पॅन कार्ड हरवलंय? आता चिंता नको घरबसल्या अप्लाय करू शकता डुप्लिकेट Pan card
PAN Card : जर तुमचंही पॅन कार्ड हरवलं असेल आणि तुम्हाला डुप्लीकेट पॅन-कार्ड अप्लाय करायचं असल्यास आता तुम्ही हे घरबसल्या करु शकता, कसं? ते जाणून घेऊ…
पॅन कार्ड (PAN Card) हे एक अत्यंत महत्त्वाच्या कागदपत्रांपैकी एक असून इनकम टॅक्स रिटर्न फाईल दरम्यान ITR साठी पॅन कार्ड अत्यंत गरजेचं असतं. याशिवाय एक ओळखपत्र म्हणूनही पॅन कार्डचं महत्त्व खूप असून अशामध्ये जर तुमचं पॅन कार्ड काही कारणास्तव हरवल्यास तु्म्ही डुप्लिकेट पॅन कार्ड ऑनलाईन पद्धतीने घरबसल्या अप्लाय करु शकता. यासाठी ई-फाईलिंग पोर्टलवरुन इलेक्ट्रॉनिक पॅन कार्ड किंवा ई-पॅन कार्ड डाऊनलोड करण्याची सुविधा देण्यात आली आहे. घरबसल्या ही प्रक्रिया करता येणार असून नेमकी ती कशी कराल पाहूया…
डुप्लीकेट PAN Card मिळवण्यासाठी ऑनलाईन अर्ज कसा भराल?
- सर्वप्रथम, तुम्हाला TIN-NSDL च्या अधिकृत वेबसाइटवर जावे लागेल. यानंतर तुम्हाला हा पर्याय निवडावा लागेल- “Changes or correction in existing PAN data/ Reprint of PAN card (No changes in existing PAN data)”
- यानंतर तुम्हाला सर्व आवश्यक तपशील भरावे लागतील ज्यात नाव, जन्मतारीख, मोबाईल नंबर यांचा समावेश असेल. हे सर्व तपशील भरा आणि नंतर ते सबमिट करा.
- मग तुम्हाला एक टोकन क्रमांक दिला जाईल आणि तुमच्या नोंदणीकृत ईमेल पत्त्यावर पोचपावती पाठवली जाईल. यानंतरही तुम्हाला अर्ज भरणं सुरू ठेवावं लागेल.
- यानंतर तुम्हाला पर्सनल डिटेल्स पेजवर विचारलेली सर्व माहिती भरावी लागेल. त्यानंतर पॅन अर्ज सबमिशन हा मोड निवडा. यामध्ये प्रत्यक्षरित्या अर्ज दस्तऐवज फॉरवर्ड करणे, ई-केवायसी आणि ई-साइनद्वारे डिजिटली सबमिट करणे या सगळ्या प्रक्रिया असतील. मग तुम्हाला फिजिकल पॅन कार्ड आणि ई-पॅन कार्ड यापैकी एक पर्याय निवडावा लागेल. यासाठी एक प्रॉपर ई-मेल अॅड्रेस गरजेचा असेल.
- तिथे तुम्हाला तुमच्या संपर्काची (Contact info) माहिती भरावी लागेल आणि कागदपत्रांचे तपशील भरावे लागतील त्यानंतर अर्ज सबमिट करा. त्यानंतर तुम्हाला पेमेंट पेजवर नेले जाईल. पैसे भरल्यानंतर पोचपावती येईल. पेमेंट केल्यानंतर 15 ते 20 वर्किग डेजमध्ये डुप्लीकेट पॅन कार्ड जारी केले जाईल.
- याशिवाय जर तुम्ही अर्जाची कागदपत्रे Forward application documents physically हा ऑप्शन सिलेक्ट केला तर तुम्हाला स्वत: भौतिकरित्या ही कागदपत्रे NSDL कडे पाठवावी लागतील.
- तुम्ही Submit digitally through e-KYC and e-sign हा पर्याय निवडल्यास आधार कार्ड आवश्यक असेल. यानंतर तुमच्या आधार नोंदणीकृत मोबाइल क्रमांकावर एक ओटीपी देखील पाठवला जाईल. तो त्याठिकाणी टाकावा लागेल. मग तुम्हाला डिजिटल स्वाक्षरीची आवश्यकता देखील असणार आहे.
- त्यानंतर तुम्ही Submit scanned images through e-sign पर्याय निवडल्यास, यामध्ये देखील आधार कार्ड तपशील आवश्यक असेल. तुम्हाला कागदपत्रांच्या स्कॅन केलेल्या प्रती अपलोड कराव्या लागतील. सर्व कागदपत्रे अपलोड केल्यानंतर तुम्हाला एक ओटीपी मिळेल. तो त्याठिकाणी टाकावा लागेल अशाप्रकारे तुम्ही एप्लिकेशन ऑथेंटिकेट करु शकता.